23 Jul 2019

BE 133 - NAENG PUJIONKU HO JAHOWA


VERSE 1
O Tondi na manggohi roha, ni panindangi na parjolo i
Na so dung olo marnaloja, mangalo musu ni Tuhanna i
Sungguli dohot rohanami on, mamaritahon Jesus i tongtong

VERSE 2
Anggiat apiMi ma galak, marlojong tu saluhut bangso i
Jahowa sai paborhat halak, na burju mangkatahon hataMi
Sai tatap lambas ni gotilon i, ianggo naposoM otik do i

VERSE 3
AnakMu do na mangajarhon, tu hami hata pangidoan i
Torop do na mangkaringgashon, mangaradoti na nidokNa i
Dibahen i tangihon nama i, sai dok ma Amen saut ma hata i

VERSE 4
Antong torop ma baen pandita, na sai tongtong digohi TondiMi
Huhut na ringgas marjamita, manogu halak tu gomgomanMi
Taluhon ma sibolis i tongtong, pararat ma hataM di tano on.

VERSE 5
Urupi hami sian Sion, sai suru Tondi Parbadia i
Lao paluahon hajolmaon, hombar tu na pinarbagahonMi
Sondangi ma sandok portibi on, pasiat ma hataM di tano on.

VERSE 6
Sai loas ma hatop mardalan hataM, manggohi liat tano on
Naeng songon na marhabanhaban, parbegu masuk tu huriaMon
Sungguli dohot Israel sude, ro mandapothon huriaM sude.

VERSE 7
Pauli Sion na marumpak, padao na tau mangambat hataMi
O Tondi, ro ma Ho manumpak, ulaon ni sude naposoMi
Tongtong paias porlak anggurMi, ai naeng ramos do parbuena i.

VERSE 8
Sai tatap nasa parguruan, inganan ni TondiM ma baen sude
Lopokkon hata hangoluan, tu roha ni parguru i sude
Sai lehon guru angka na burju, parroha pangondian situtu.

22 Jul 2019

BE 134 - ALE TUHAN AMANAMI


VERSE 1
Sai torop dope parbegu, na dihaholomon i
Jesus, ro ma Ho patibu, mandasdasi angka i.
Ro tu harajaonMi, asa sonang dohot i;
Togu nasa manisia, tu padanMu na badia.

VERSE 2
Lam patorop partonaan, angka guru na burju
Na mamboan haluaan, sian dosa i tutu
Sai pasonggop TondiMi, tu sude naposoMi
Asa lam torop parbegu, tu na tiur i ditogu.

VERSE 3
Hami na pinarmahanMu, ale Tuhan tatap ma.
Sai paringgas ma manogu, jolma i tu Debata
Sai paganda holong ni rohanami sasude
Manogihon angka dongan, tu lambungMu, ale Tuhan.

21 Jul 2019

BE 135 - O TONDI PARBADIA I BONGOTI


VERSE 1
Marpungu do di joloMon, marsada roha hami on,
O Jesus Tuhannami, Ho Raja na tarsilang i,
Na pinatimbo i muse, sai ro ma Ho tu hami
Olo, jalo ma tangiang pamujian di goarMu, ala holong ni rohaMu.

VERSE 2
Na metmet di mulana i, sai dipararat Ho do i,
I ma harajaonMu, lam ganda do bilangan ni,
Na paboahon hataMi, baen sangap di goarMu
Jesus tulus, baen sangkapMu; sosoanMu hajolmaon asa olo paluaon.

VERSE 3
Ho do nampuna hami on, ro di sandok portibi on,
Ho ingkon sombaonna, nang lan dope na modom i,
Hinorhon ni jeana i, Ho do tangihononna
Ingkon monang Ho, o Tuhan maralohon haholomon Ho do Raja sioloan.

20 Jul 2019

BE 136 - BIDANG DOPE NA HOLOM I


VERSE 1
Bidang dope na holom i, di bangso na di hasiangan i,
Na nirajaan ni sibolis i, disomba halak angka begu i.
Na nirajaan ni sibolis i, disomba halak angka begu i.

VERSE 2
Sai tatap bangso i sude, ai nunga loja do nasida be
Dangolna do manjou tu surgo i, mangido tolong tu Jahowa i.
Dangolna do manjou tu surgo i, mangido tolong tu Jahowa i.

VERSE 3
Torang do bagabaga ni, Amanta di banuaginjang i
Arahononna jolma sasude, tu hasonangan ni rohana be.
Arahononna jolma sasude, tu hasonangan ni rohana be.

VERSE 4
Tagogo ma pasauthon i, mamboan hata hangoluan i
Tu nasa bangso na di tano on, ringkot tabaen ulaon i tongtong
Tu nasa bangso na di tano on, ringkot tabaen ulaon i tongtong

VERSE 5
O Raja na di surgo i, na dung manobus nasa jolma i
Tibu sondangi ma na holom i, tu Ho ma taiti hajolmaon i.
Tibu sondangi ma na holom i, tu Ho ma taiti hajolmaon i.

19 Jul 2019

BE 137 - RAPHON TUHAN JESUS I



VERSE 1
Nunga ro tu hita on, hata hangoluan
Na pasonang sai tongtong, roha na jeaan.
Molo jinalona i, gabe na porsea
Di Tuhanta Jesus i, Sipabali jea.

VERSE 2
Ala nii tapuji ma, goar ni Tuhanta
Tapasangap Debata, na palas rohanta
Mamestahon ari on, ari parningotan
Di basaNa na tongtong, so marpansohotan.

VERSE 3
Ale Tuhan Debata, Ho hupuji hami
Ipe halomohon ma, endeendenami
Sangap ma di goarMi, dohot di AnakMu
Jesus Sipartogi i, tu harajaonMu.

VERSE 4
Tuhan nang tu jolo on, tatap hajolmaon.
Sai pararat ma tongtong, hata haluaon
Tu na so tumanda Ho, dohot Tuhan Jesus
Asa sasudena ro, mandapothon Kristus.

18 Jul 2019

BE 138 - NGOT MA HO DIJOU SOARA


VERSE 1

Sada parsigantunganta
Na mate i humophop hita
Tobusta do mudarNa i.
Jesus Ho do Tuhannami
Ho ma tongtong nampuna hami
Pinarhamaol ni rohaMi
Pature hami on, baen sangap mi tongtong,
Sai sondangkon ma bohiMi na basar i
Tu hami angka donganMi

VERSE 2

Raja na marhasangapon mansai bidang do sisabion,
Hape otik do naposoM. Suru ma torop Pandita,
Angka na ringgas marjamita, tu bangso na di tano on.
Togihon i sude, tu surgo i muse, ai martua.
Do halak i, pinillitMi, tu hasampuran rea i

17 Jul 2019

BE 139 - NDANG TADINGKONONKU HO


VERSE 1

Sada siparmahan i, sapunguan dorbiana
Di na jumpang hata i, longang situtu rohanta
Sai haposi Jesus i, ingkon saut hataNa i

VERSE 2

Dao dope arian i, tatap ma ai nunga mullop
Sangap ni Tuhanta i, na tu bangso i naeng songgop
Loja do na lilu i mangoloi di begu i

VERSE 3

Jesus ro ma Ho tibu manaluhuon haholomon
Sai marlojong situtu baen hataM tu hajolmaon
Asa haru jumpang i, na nidok ni hataMi.