BE 63 - JESUS HO DO SAI TONGTONG
VERSE 1
Jesus Ho do sai tongtong dihaposi rohanami
Nang di taon na’mbaru on ingkon Ho do dongannami
Tanda hot do padan i Dibagasan mudarMi
VERSE 2
Nang goarMu nang hataM Ingkon dapot do begeon
Di bagasan huriaM na girgir lao paradehon
Roha ni ruasNa i bahen bagasjoroMi
VERSE 3
Na binaenMu sasude pangoluhon tondinami
Nasa hatuaon pe Naeng gomos tioponnami
Nang ditaon na’mbaru on hot di Ho ma hami on.
VERSE 4
Holan mardonganhon Ho Jesus, naeng mardalan hami
Bintang sipartogi do Ho tongtong di dalannami
Ai binaen ni sondangMi tiur situtu ma i
VERSE 5
Jesus sahat ma tu Ho nasa parsorionnami
Nang beha pe dibaen Ho sai marguna do di hami.
Raphon Ho tarapul be rohanami sasude
