BE 72 - HEHE MA HAMU PARBEGU
VERSE 1
Hehe ma hamu parbegu asa tung tiur hamu
Ai naung binsar di ginjangMu do panondang di hamu
Haholomonmuna i disondangi Jesus i.
VERSE 2
Na buni do nasailaon sangkap ni Tuhanta i
Ndang diboto hajolmaon dalan hangoluan i
Tung na lilu do sude di pardalananna be
VERSE 3
Salpu do nuaeng bornginna binsar do panondang i
Nunga ro hatoranganna tu saluhut jolma i
Sai malua ma hamu Sian haholomommu
VERSE 4
Jesus Sondang ni tondingku na patiur sasude
Sai palua ma rohangku sian dosa sasude
Taiti dohot rohangkon tu na tiur i tongtong
VERSE 5
HapapatarMi Tuhanku ingkon manondangi au
Asa tong sonang rohangku nang pe di na mate au
Manang aha pe na ro hasonanganki do Ho
VERSE 6
Togu au ale Tuhanku sahat tu ingananMi
Asa sogot idaonku Ho di hasangaponMi
Pujionku Ho disi salelenglelengna i.